ARSAK NA SO MARTAMPUK

Holso dipamangan,
gulut nipikkiran.
Disihariburon arsak namanginongi.
Naso martampuk naso marmula,
maniak dibagasan so tarantusan,
marbulut pikkiran so maralasan.
O,,,oooo,,,, ale alogo namangullus,,,
ia tung husiphon ma jolo tu sipanangi,
ai aha namasa disaonari,,,
Nga tung mansai loja utok hutok mandiori, aha alana,
alai tung so boi do tarpastihon.
O,,,,,,ooooo,,,
Ale Tuhan Debata Sitompa Langit dohot tano nang pangisi ni
portibion,,,
Lehon ma jolo gambaran,
Aha nasala,
dia bossirna,,,
asa binoto lao padengganhon nasala, jala manasa angka dosa
naso tudosan.
Ribur ni portibi dang boi mamoncahon arsak,,,
E,,, tahe,,, namangolu,,,,,
Nipaihut ihut dalan naso marujung, tung lak so hea sangkot
gabe panambatan.
Nga lam losok be roha marnida,
mangulahon nadiparetta,
mangoloi paretta na so marparbue.
Ue,,, tahe,,,,
Pinahohom ma asa bulus hohom,
andorang so ro hatiuron di ari nanaeng ro,,,